Seerat-un-Nabi ﷺ Part 62

⚜🔅⚜

          ┄─━━━━□□□━━━━─┄
          *Bismillahirrahmanirrahim*
          ┄─━━━━□□□━━━━─┄

               *Seerat-un-Nabi ﷺ*
            ♢━○━●━♢♢♢━○━●━♢

                    *[  Part - 62 ]*
❥➖➖➖➖➖➖➖➖➖❥

           *❖   Amaanatdaari   ❖*

✺ Pyaare Rasool ﷺ bade hi amaanatdaar the. Jo log Aap ko rupiya paisa ya saamaan rakhne ko date to Aap ﷺ us saamaan ya rupiye ko badi dekh bhaal ke saath rakhte. Use apne kaam mein na laate aur na us mein kami karte. Log baahar jaate to apni cheezein Aap ﷺ ke supurd kar jaate. Aur jab aate waisi ki waisi le lete.

✺ Hazoor ﷺ ki amaanatdaari itni mash-hoor hogai ke Nabi hone se pehle hi log Aap ﷺ ko "Ameen" kehne lage the. Yaani bahot bada amaanatdaar. Jo log Aap ﷺ ki jaan ke dushman the woh bhi Aap ﷺ ko bada hi amaanatdaar samjhte the. Jab Aap ﷺ Makkah se Madeenah hijrat farmaane lage to bahot se kaafiron ki amaanatein Aap ﷺ ke paas theen. Chalte waqt sab Hazrat Ali RaziyAllahu Anhu ko deen aur bata diya ke kis kis ki amaanat hai taake woh un ko de dein.

✺ Pyaare Nabi ﷺ ne ek Hadees mein farmaaya ke jo aadmi yeh chaahta hai ke Allah aur Rasool ﷺ us se muhabbat karein use chaahiye ke jab baat kare sach bole aur us ke paas amaanat rakhi jaaye to dekh bhaal rakhe aur waapas kar de.

✺ Pyaare Nabi ﷺ ne yeh bhi farmaaya ke amaanat mein gad bad karne waala munaafiq hota hai yaani woh zabaan se chaahe apne ko musalmaan kahe lekin woh haqeeqat mein sachcha musalmaan nahin rehta.

《..Next - 63, Soon insha Allah..》

  📗Ref: Deeniyat Course book

         *✰ Join Islamic Group ✰*
    1seerat-un-nabi.blogspot.com
❥➖➖➖➖➖➖➖➖➖❥